8-14 мартыште Суздаль олаште всестилевый карате дене тӱнямбал чемпионат ден первенстве лийыныт.
Тушко тӱрлӧ эл гыч 1500 участник ушнен. Марий Эл гыч 14 еҥан сборный команде миен коштын. Андрей Альгин всестилевый каратэ дене «тӱнямбал чемпион» лӱмым сулен гын, Богдан Белоусов тӱнямбал первенствыште сеҥен. Марсель Сафин, Валерий Конаков, Максим Коногоров, Матвей Борисов первенствын призёржо лийыныт.
Поснак 17 ияш Богдан Белоусовым (снимкыште) палемдыман. Тудо киокусинкай каратэ дене шем поясым сеҥен налын, 2019 ийыште тӱнямбал первенствыште призёр лийын. Рвезе каратэ дене 13 ий утла заниматла.