Звенигово олаште илыше самырык ӱдырамаш «Авито» сайтыште ужгам ужалаш шонымыж нерген уверым пуэн. Россий ОМВД -ын Провой кундемын дежурный частьыш 37 ияш ӱдырамаш ондалтмыж нерген йодмашым возаш толын. Налше ӱдырамаш лектын. Тудо ужалышылан «WhatsApp» мессенджерыш ужгам кондымылан да тудын пел акшым тӱлаш 18 тӱжемым йодын. Ужгам ужалыше ссылке почеш банк картшын реквизитшым возен колтен. Тылеч вара тудын счетшо гыч окса йомын. Ӱдырамаш йоҥылыш лийын манын шонен да уэш-пачаш банк реквизитшым колтен. Тыге окса каен. Ӧршӧ ӱдырамаш налше деке лектеш. Пытартышыже уэш 18 тӱжем теҥгем колташ йодеш, пуйто тыге оксаже уэш счётышкыжо толеш. Ӱшаныше ӱдырамаш 24 тӱжем теҥгем палыдыме еҥлан колтен, а ужгам налше еҥ йомын. Полиций пашаеҥ-влак уголовный пашам почыныт да республикыште илыше-влаклан Интернет-магазиныште налме годым тӱткӧ лияш темлат.