Россий МЧС-ын Марий Эл Республикысе тӱҥ управленийыштыже кеҥежым вӱдыштӧ да чодыраште тӱткӧ лийме да тул пижын кертме шотышто кутыреныт.
Республикыштына пожар шотышто сӱрет сайжак огыл. 13 июльлан 894 пожар лийын. Ӱмашсе тыгаяк жап дене таҥастарымаште тудо 20,6 процентлан ешаралтын.
Тений пожарыште 33 еҥ ко- лен (ӱмаште тыгай жапыште 16), 8 еҥ сусырген.
Тул утларакшым уда электропроводкылан (45%), тулым айда-лийже кучылтмылан (41%) да тамакым шупшмылан кӧра лиеш. Тулышто шкет илыше пенсионер, инвалид, йоча да аракам йӱшӧ-влак утларак колат.