Эрла Москваште «Единый Россий» партийын ХХ съездше эрташ тӱҥалеш, тушто тений 19 сентябрьыште эртышаш сайлымашке Кугыжаныш Думыш депутатлан кандидат-влакым пеҥгыдемдат.
Мемнан республик гыч погынымашке 9 июньышто Йошкар-Оласе конференцийыште (снимкылаште) сайлыме кум делегат кая: Кугыжаныш Погын председательын алмаштышыже, В.М.Васильев лӱмеш МарНИИЯЛИ-н директоржо Евгений Кузьмин, «Единый Российын» волонтёр рӱдержым вуйлатыше Вера Вертинская да «Народный контроль» партпроектым вуйлатыше Антон Волков. Тыгак тушто партийын Генсоветшын еҥже Ольга Фокина (Кужэҥер район), республикысе пӧлкан секретарьже Александр Гречихо, исполком вуйлатыше Александр Смирнов лийыт.
Съездыш Марий Эл вуйлатыше Александр Евстифеев кайышаш. Эн кугу уна семын тушто Российын президентше Владимир Путиным вучат.
Ушештарена: закон дене келшышын, чыла партий сайлымаш деч ончыч съездым эртарышаш, тушто Кугыжаныш Думыш депутатлан кандидат-влакым пеҥгыдемдышаш улыт.
Э.ИМАНАЕВ.