5 июньышто Пошкырт кундем Мишкан районысо Ардаш ялыште «Шокталте, шокталте!» кугу пайрем лийын.
Тушко 15 коллектив ден 20 утла гармонист толыныт. Марий Эл гыч «Какшан сем» да «Шайра» фольклор ансамбль-влак да мурызо Изи Карина миеныт, Татарстанысе Агрыз район гыч «Йоҥгалт, гармонь йӱк» фольклор коллектив, тыгак Башкортостанысе Илиш, Краснокам, Калтаса, Пӱрӧ районла гыч ансамбль-влак лийыныт.
Пайрем годымак имне дене таҥасеныт, марий кучедалмаш, тӱрлӧ модыш-влак эртеныт.
Ирина Степанова.