Медведево район, Пекшиксола школын тунемше дене туныктышыжо-влак У, 2021 ийым вашлияш ямдылалташ тӱҥалыныт. Школ, 1980-шо ийлаште чоҥымо типовой кок этажан йоча сад зданиеш йӧнештаралт верланен. Тыштак садик ийготан групппо-влак улыт. Икымше гыч индешымыше класс йотке шинчымашым налаш 115 тунемше коштеш. Садикыште гын 69 йоча шотлалтеш. Икманаш, тудым образовательный учрежденият манаш лиеш. Тудын вуйлатышыже педагогический наука кандидат Н.П. Шабрукова. Кумда школ кудвечыште, эн ончычак, тӱрлӧ модыш дене сӧрастарыме илыше кож шинчалан перна. Тудым тунемше дене туныктышо-влак шке сӧрастареныт. Школ зданийын окнаже -влакат шушаш пайрем атрибутике-влакы сакалыме дене оҥайын койыт. Классла у ий шӱлышым налын. Тушто йӱштӧкугызан сӱретыштым, курчакыштым, сӧрастарыме исусственны иман елко-влакым ужаш лиеш. У ийлан эн чаплын сӧрастарыме классым приз вуча. Школышто, тенийысе пандемий лӱдыкшылан кӧра, у ий пайрем-влак класслаште посна-посна классный час семын эртаралташ тӱҥалыт. Тидым изижат, кугужат сайын умыла. Йӱштӧ кугыза ден лумӱдырат кугурак классын тунемшышт влак лийыт. Но пайремлан келшыше почеламут, муро-влак ондакысе гай кумдан огыл гынат, йоҥгаш тӱҥалыт. А кызыте, пайрем вашеш, весела кумыл кушкеш. У ийлан икшыве-влак ямдылалтыт.
