17 сентябрьыште С.Г.Чавайн лӱмеш национальный библиотекыште Марий Эллан 100 ий темме лӱмеш «Марий Эл Республикын эн сай книгагудо пашаеҥже» конкурс эртаралтын.
«Марий Элын 2020 ийысе эн сай книгагудо пашаеҥже» лӱмым Козьмодемьянск оласе рӱдӧ йоча библиотекын читальный залжым вуйлатыше И.В.Микушкина сулен.
«Живая традиция» номинацийыште Оршанке район Чирки книгагудым вуйлатыше О.А.Суслова палемдалтын.
«Творческая личность» номинацийыште Юрино районысо Быковка ялысе библиотекым вуйлатыше Л.А.Васильева сеҥен.
«Библиотечный гуру» лӱм дене Волжский районысо библиотечный системын пашаеҥже И.И.Мальцева налын. Ме тудым поснак саламлена — «Кугарня» газет редакцийын ойырымо пӧлекше лач тудлан логалын — «Кугарня» газетым электронно лудаш пел ийлан подпискым оформитлена.
(Кӧ электрон газетым луднеже гын, ушештарена, подпискым тыште оформитлаш лиеш)
«Душа дела» номинацийыште Йошкар-Оласе 28 номеран книгагудым вуйлатыше Т.С.Гайдукова ончыко лектын.
С.Чавайн лӱмеш национальный библиотекын сайтше гыч налме фото.