11 февральыште лекше номерыште 3-шо лаштыкыште Эльвира Терентьева спорт темым тарватен. Тудо «Корта» физкультурно-оздоровительный комплексым вуйлатышыж Михаил РЫБАКОВ дене мутланен. Таче журналист шке геройжо дене вашлиялтын.
—
Михаил РЫБАКОВ:
– Чаманен каласыман, Марий Эл гыч тале ечызына Екатерина Смирнова Российын сборныйышкыжо да резервышкыжат логалын огыл. Коеш: тушто пеш кугу конкуренций. Катя пытартыш жапыште Тюмень область верч таҥаса.
Спортсменна-влак Олимпиадын икымше кечылаж гычак писе улмыштым ончыктат. Теве 8 февраль той кече ыле. Сноубордист Виктор Уайлд, спринтыште ечызе Александр Терентьев да санный спортышто Татьяна Иванова той медаль-влакым сеҥен нальыч. Варажым шорттрекист Семён Елистратов кумшо верым сулен.
Российын спортсменже-влакын флаг деч посна таҥасымашыш лекмыштым йӧршеш чын огыллан шотлем. Йӧра эше костюмышкышт элнан символжым келыштарыме. Молан спортым политике дене кылдаш? Тыге элнам шӱктарынешт, витне. Туге гынат Россий
Правительстве шке спортсменже-влаклан кугун полша, Президентат ӧрдыжтӧ ок код. Окса деч посна чемпион-влаклан чапле машинам пуат. Тиде – путырак сай полыш. Олимпиадым ончен ом керт, уверым веле эскерем. Чот луман игечылан кӧра лумым эрыкташ да кажне кечын ечыгорным ышташ логалеш.