Марий Элыште эҥерыште пуш дене волымо, пӱртӱсыш канаш лекме тургым тӱҥалын. Тудо паша деч канаш гына огыл полша, тыгак эҥгекымат конден кертеш.
Путешествийыш тарванымыда деч ончыч туристический маршрутдам поисково-спасательный подразделенийлаште регистрироватлаш уто огыл. Маршрут нерген походыш тарваныме деч 10 кече ончыч увертарыман. Республикыштына пӱртӱсыш каяш шонышо турист группо-влаклан Марий Эл Республикысе МЧС-ын тӱҥ управленийыштыже (88362) 69-02-74 телефон дене але Россий МЧС-ын сайтыштыже регистрироватлалтман, тыгак (88362) 74-12-84 телефон дене Марий аварийно-утарыше службыш увертарыман.
Пӱртӱсыш каналташ лекме годым мо лиймым ончылгоч палаш огеш лий. Кенета иктаж туткар лийын кая гын, утарыше службо-влак, кушто улмыдам пален, полышым вашке пуэн кертыт.