Специальный военный операцийыште лийме нерген справкым тений 1 ноябрь гыч Госуслуги порталыште налаш лиеш. Тидын нерген пунчалыш кидпалыжым Россий Правительстве Председатель М.Мишустин пыштен.
Але марте тыгай справкым военный частьын командирже але военкомат пуэн. Тидыже салтак-влакын але нунын ешыштын документым налмышт годым нелылыкым луктын. У пунчаллан келшышын, ты документым ик стандарт почеш ямдылат.
СВО-што лийме нерген справкым тыгак шуко функциян рӱдер-влакын отделенийлаштыже налаш лиеш.