23 апрельыште, Йошкар-Оласе Чарла кремльыште Кугече пайремлан пӧлеклалтше ялозанлык ярмиҥга лиеш.
Тушто шыл ден шӧр продукций, мӱй, перга, прополис, муно, кол, пареҥге, емыж-саска, кинде да молат ужалалтыт. Тыгак калык промысел ӱзгар, православный выставке, пасу кухньо, коҥгаште кӱктымӧ кочкыш темлалтыт.
Калыклан тыгак концерт программым ямдыленыт, ремесленник-влак мастер-классым эртарат, чаҥ йӱк фестиваль лиеш. Мероприятий 11 шагатлан тӱҥалеш.