ВОЛЖСКЫШТО янлыклан кугу приют шочеш 
Марий Элым Вуйлатыше Юрий Зайцев «доММой» поро кумылым ончыктышо фондлан кызытсе илышлан келыштаралтше приютым чоҥаш 9 тӱжем квадратный метр кумдык мланде участкым арендыш пуымо нерген распоряженийы луктын.
Волжск моло ола семынак перныл коштшо янлык-влакын проблемышт дене палыме. Тиде йодышым айдеме семын решатлыман.
Приютышто пий ден пырыс-влаклан кум специализироватлыме блок, ветеринарный клинике, кормокухньо да прачечный, административный корпус, тыгак «Порылык урок» тунемме площадке-влак лийшаш улыт.
Приют суртдымо янлык-влакын чотыштым гуманный йӧн дене шагалемдаш, ветеринарный обслуживанийым да стерилизацийым организоватлаш, у оза-влакым муаш полша.