Марий Элым Вуйлатыше Ю.Зайцев Федеральный службын Экологический, технологический, атомный шотышто надзор Юл кундемысе управленийжым вуйлатыше А.Мубаракшин дене вашлийын.
Нуно 2024-2025 ийласе шыже-теле пагытлан ямдылалтме паша кузе шукталтмым лончыленыт. Калыкым социально обслуживатлыше объект-влакым олтымо тургымлан ямдылаш паша график почеш шукталтеш. Тачысе кечылан 86 процент котельный-влак шке сомылыштым шукташ ямде улыт.
Республикысе программе почеш 2024 ийыште шуко пачашан 105 пӧртым капитально олмыкташ палемдыме. Тидлан 861,8 миллион теҥгем ойырымо.
Тыгак объект-влакым олтен ырыкташ 17,7 тӱжем тонн (80,5 процент) мландышӱйым ямдылыме.
Кундемнан ныл районыштыжо шым котельный тӱрлӧ кугыжаныш тӧнежым газ дене ырыкташ тӱҥалеш. Тыгак ик блочный модульный котельныйым чоҥаш, кум котельныйым реконструироватлаш палемдыме. Чыла сомылым олташ тӱҥалме тургым марте ыштен пытарышаш улыт. ЖКХ организацийлаште, тӱрлӧ аварий деч аралалташ манын, 197 командым чумырымо.