Пашан лӱмжӧ – «Тундрын наследникше-влак». Тӱҥ шонымаш – пӱчым ашныме нерген документальный кинофильмым ямдылаш.
Июльышто кином войзышо группо пӱчым ончышо-влак дене вашлиеш, материалым пога. Съёмко паша шошым тӱҥалын, кинофильм 2022 ийыште ямде лийшаш.
Тудым Корейыште ончыкташ шонат. Тыгайракак сынан «Саам-влак. Ош пӱчын икшывыже» фильм «От чистого истока» регион-влак кокласе XI фестиваль-конкурсышто кокымшо верым налын. Эн виян кинопаша-влакым 12-16 июльышто Иркутскышто ончыктат.
Родо-тукым увер дене кумданрак «Кугарня» газетын кумшо лаштыкыштыже палыме лийза. Лаштыкым Владимир Аптулаев ямдыла.