
Пӧлемысе кушкыл начарын кушкеш, лывыжгаш тӱҥалын, лышташыже йога гын, тудлан ӱяҥдыш ок сите. Атысе кушкылым кажне ийын кусареда гын, тудым шуэнрак ӱяҥдыман. Кугурак кушкылым 3-4 ийлан ик гана кусарен шындаш темлат, садлан тушко ӱяҥдышымат чӱчкыдынрак ешарыман. Тидын годым теве мом шотыш налман:
– Тӱлыжгышӧ кушкылым ӱяҥдыман огыл.
– «Нечке» кушкылым, кусарен шындымеке, 30 кече гыч ӱяҥдыман, молыжым – кум тылзе гыч.
– Налме ӱяҥдыш дене пайдаланеда гын, мыняр возымо, тунар гына шавыман. Утыждене ӱяҥдаш гын, лышташыже когарга, йога але саргая.
– Препарат-влакым кушкылыш, вӱдым шавымеке, эрлашыжым ешарыман.
– Мондаш огыл манын, кушкылым ӱяҥдыме графикым ямдылаш пайдале.
– Тура кечыйол йымалне кушшо кушкылым ӱяҥдыме годым атым жаплан кече логалме деч аралыман.
Авторын фотожо.