2020 ий тӱҥалтыш гыч Марий Элысе Госавтоинспекций пашаеҥ-влаклан оксам пуымо шотышто куд уголовный пашам тарватыме.
Тӱҥ шотышто йӱшӧ водитель-шамыч инспектор-влакын машинам шогалтымышт годым оксам пуаш тӧчат. Тыгай осал паша ынже лий манын, ГИБДД пашаеҥ-влакын автомашина салоныштышт да тӱжвалне видеорегистратор-влакым шындыме.
Оксам пуышылан штрафым тӱлыктен але исправительный пашам ыштыктен кертыт. Тыгодым ты осал паша камерыш возалт кодеш, да умбакыже уголовный делам тарватат.