Волонтёр-влак Марий Элыште илыше-шамычлан тӱзатышаш мер кумдык-влак верч йӱклаш полшат 
Республикыштына «Инфраструктура для жизни» нацпроектын «Формирование комфортной городской среды» федерал проект почеш тӱзатышаш объект-влак верч йӱклымаш умбакыже шуйна. 2026 ийыште кундемыштына тӱзатышаш кумдык-влак верч 12 июнь марте йӱкым пуаш лиеш.
Интернет дене пеш пайдаланен огыда мошто гынат, чыла районыштат волонтёр-влак йӱклаш полшат.
Ий еда ФКГС-ын волонтёржо-влак мер кумдык-шамыч, нуным тӱзатыме шотышто дизайн-проект-влак нерген калыклан каласкалат да zagorodsreda.gosuslugi.ru. платформышто йӱклаш полшат.
Волонтёр-влакым Йошкар-Олаште, Волжскышто, Медведевыште да Звениговышто вашлияш лиеш.