Чебоксар олаште икымше полышым пуышо инструктор-шамычлан туныктымаш эртаралтын. Российысе тӱрлӧ регион гыч 1000 наре волонтёр-медик ушнен, нунын коклаште – Марий Эл гыч участник-шамычат.
Кум кечаш курсым эртымеке (эксперт-влак дене сессий, практике сынан занятий, тӱрлӧ мастер-класс, иктешлыше аттестаций), нуно инструктор квалификацийым налыныт. Чрезвычайный ситуаций годым мом ышташ кӱлмӧ да эҥгекыш логалше-шамычлан психологий полышым пуымылан поснак кугу тӱткышым ойыреныт.
Марий Элысе Образований да науко министерствын сайтше гыч налме фото.