Шукерте огыл Марий Элым Вуйлатыше Ю.Зайцев «Волгенче» регионысо рӱдерын Попечительский советшын заседанийжым эртарен. Тушто рӱдерын пашажым иктешлыме.
Каласыман, «Волгенчыште» йоча да самырык тукымын уш-акылыштым пӱсемдаш, усталыкыштым шуараш полшат.
- 2024 ийыште рӱдерыш 5700 еҥ ушнен.
- Школышто тунемше 2 тӱжем утла йоча олимпиадылан ямдылалтме, робототехнике да программирований программе-влак почеш тунемыныт.
- 1 тӱжем наре йоча куштымаште, музыкышто да изосымыктышыште усталыкыштым почыныт.
- 400 утла тунемше спорт туризмыште, футболышто, иймаште да шахматыште мастарлыкыштым нӧлтеныт.
- регион кӱкшытан 55 мероприятий эртаралтын. Тушко 3800 утла еҥ ушнен.
- Марий Элын шым командыже «Технострелке» тӱнямбал фестивальыште участвоватлен.
«Волгенче» тунеммаш да усталык веле огыл. Тиде – рӱдерыш коштшо йоча-влакын кызытсе илыш дене тӧр кайымышт. Микроэлектроникыште процесс-влакым шымлат. Медицинылан келшыше искусственный интеллект системым ышташ тунемыт. Рӱдерын 300 утла участникше тӱрлӧ производствышто лийыныт, паша карьер да стажировкым эрташ лийме нерген пален налын. Ончыкшым «Волгенчын» пашаеҥже-влак индустриальный партнер да вуз-влак дене кылым утларак пеҥгыдым ышташ шонат.
Республикым Вуйлатышын сайтше гыч налме фото.