Республикыштына туризмым вияҥдымылан тений 46,9 миллион теҥгем ойыраш палемдыме.
Тушеч 20 миллион теҥгем – Йошкар-Оласе туристический рӱдерым шотыш кондымылан, 12,9 миллион теҥгем – кумда мероприятий-шамычым организоватлымылан, 14 миллион теҥгем – туринфраструктурым вияҥдымылан да проект-шамычым илышыш шыҥдараш полшымылан, 1,5 миллион теҥгем – кӧргӧ да въездной туризм шотышто проект-шамычым ыштыше автор-влаклан. Марий Элым Вуйлатыше Юрий Зайцевын палемдымыж почеш, 2030 ий марте республикыштына туристический кумдык-влакым, калыкын тӱвыражым аралыше объект-шамычым да молымат вияҥдышаш улыт. Тыгак Юрино посёлкышто да Кокшайск селаште пассажир-шамычлан причалым чоҥышаш улыт.