Эртыше арнян Йошкар-Олаште илыше вич еҥ полицийыш тидын шотышто полышым йодын толын. Чыланат кок ораван транспортыштым шуко пачеран пӧрт подъездыштышт коденыт улмаш.
Полиций пашаеҥ-влак тылеч ончычат судитлыме 31 ияш пӧръеҥым кученыт. Тудым Пушкин уремысе ик пӧрт подъезд гыч велосипедым шолыштмылан титаклат. Пӧръеҥ шолыштмо транспортым пӧртылтен, палдара Марий Элысе МВД.