8-14 мартыште Москошто «Россий» форум-ончер кышкарыште Марий Элын туризм арняже эрта.
Марий Эл тиде кугу событийыште кундемнан стендысе унаж-влаклан оҥай программым ямдыла. Туризм арнян программыже Республикнан туризм куатшым ончыкташ келыштаралтын.
Козьмодемьянск ола этнографий да вӱд круиз туризм дене палдара. «Кугу Какшан» заповедник экологий туризмым ончыкта. А гастрономий направленийым – Шернур сырзаводын «Сырная лавка» организацийже. «Северная ходьба» федераций активный туризм дене палымым ышта. Тыгак тиде мероприятийыште Россий кӱкшытан «Russian Event Awards 2023» премийын призёржо-влак «Бендериада» сатир да юмор фестиваль ден «Йошкин КотоХод» йӱдйымал коштмаш фестивальым презентоватылме гоч событийный туризмым ончыктат.
Уна-влаклан Марий Элын стендыштыже сувенирым ямдылыме шотышто мастер-класс, оҥай программе-влак лийыт. Тыгак бренд продукцийым розыгрыш лиеш.
