Таче Йошкар-Олаште Бауман лицейыште кугу вашлиймаш эртаралтын. Тений икымше гана лицей пелен 10-шо классыш кайыше-шамычлан медиаклассым почмо. Тушко республикна гыч ӱдыр-рвезе-влак тунемаш толыныт.
Вашлиймашке Марий Эл Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов, Марий кугыжаныш университетын ректоржо Михаил Швецов, Бауман лицейын генеральный директоржо Григорий Пейсахович да моло СМИ вуйлатыше, туныктышо-влак миеныт. Нуно йоча-влакын тиде тунемме направленийым чын ойырымыштым палемденыт.
Л.Григорьеван фотожо.