Марий йӱлаште вӱд эреак юзо, шнуй вийже дене пале. Вӱд илышым аралыше, пойдарыше да эрыктен шогышо кугу ӱнар. Православий йӱла дене 19 шорыкйол Крещений пайрем гын, марий йӱла дене тиде кече – Вӱд модмо кечылан шотлалтеш.
Калык ой почеш, 18-19 январьыште вӱд путырак виян лиеш, сандене шукын памаш деке вашкат. «Кугарня» газет редакцийын пашаеҥже-влак пайрем кечын тӱрлӧ кундемыште лийыныт, лач куштыжым — снимкыште ужын кертыда.
