УЖАЛЫШЕ РӰДЕРЫШТЕ ЫШТАТ

4 февраль гыч Йошкар-Оласе «Ёлка» («Yolka») ужалыше рӱдерыште COVID-19 инфекций ваштареш Гам-КОВИД-Вак (Спутник V) вакциным шындаш лиеш. Тушко Йошкар-Оласе 1-ше номеран поликлиникын пашаеҥже-влак мият. Нуно тиде рӱдерын 1-ше пачашыштыже 10 февраль марте 11 гыч 15 шагат йотке паша кече жапыште лийыт. Прививкым ыштыкташ кумылан-влаклан пелен паспортым, медицине полисым да СНИЛС-ым налман.

Прививкым шындаш шонышо-влак илыме верысе поликлиникыш веле огыл, кеч-могай вес поликлиникыш миен кертыт. Тушто кунам прививкым ышташ лиймым рашемдыман. Тыгак вакцинацийыш Единый кугыжаныш полышым пуышо порталыште возалташ лиеш.

Интернет гыч налме фото.