Роспотребнадзор нерлан аромаингалятор-влакым ужалымым чарыме шотышто документ-влакым ямдылен.
СМИ-влакын палдарымышт почеш, кызыт Российыште тунемше-шамыч электрон сигарет олмеш тӱшкан аромаингалятор дене пайдаланаш тӱҥалыныт. Рашемдыме: тудым шымлыме огыл, тыгак лӱдыкшыдымӧ шотышто йодмашым пеҥгыдемдыше документат уке. А южыштын келшен толмо шотышто декларацийышт уло, но тусо данный-влак чынлан огыт шотлалт. Кызыт ты сатум ужалыше-влак шке витринышт гыч кораҥдышаш улыт.