5 декабрьыште Угарман кундем Тонкин ялыште «Усталык Чинчышер» калык тӱвыра регион-влак кокласе фестиваль лийын.
Тушко Угарман, Киров кундемла да Марий Эл гыч солист, усталык коллектив, художественно-прикладной творчествын, национальный кухньын мастарже-влак погыненыт.
У Торъял район гыч пайремыш Тошто Торъял тӱвыра пӧртын «Ший оҥгыр» калык фольклор ансамбльже (вуйлатыше Н.Э.Якимова, аккомпаниатор В.З.Яндыганов) да У Торъялысе тӱвыра да каныме рӱдерын калык усталык шотышто методистше Л.В.Смирнова миен коштыныт.
«Ший оҥгыр» ансамбль У Торъял велысе калык тӱвыран ойыртемже дене палдарыше концерт программым ончыктен, тыгак марий кочкыш выставкыш ушнен. Майя Леухина декоративно-прикладной творчество мастар-влакын выставкыштышт лийын. Л.В.Смирнова «Калык тӱвырам аралымаш» темылан пӧлеклалтше «йыргешке ӱстелыш» ушнен.
У Торъялысе рӱдӧ клуб системын ВК-се тӱшкаж гыч налме фото-влак.
