3 апрельыште Йошкар-Оласе Рӱдӧ книгагудышто «До и после 55» клубым ыштымылан 9 ий темын.
Клубым ты книгаудышто 35 ий пашам ыштыше В.П.Акилбаева вуйлата. Участник-влак 5 апрельыште черетан вашлиймашыш погыненыт. Тушто Марий Элын сулло художникше Г.В.Зыков нерген выставкым чумырымо ыле. Сӱретче шкеж да ты пашаш кузе толмыж нерген каласкален. 90 ияш Ф.С.Москвичёва шке возымо почеламутшым лудын. Тыгак Г.В.Моисеев икмыняр почеламутшым шергылтарен. А варажым чыланат А.А.Кузьменкон кидпаша ончерже дене палыме лийыныт.
