Марий самырык театрыште интеллектуал модмаш-влакын «ЙоШИ – 2025» республикысе фестивальже лийын. Тудым Йошкар-Оласе Т.В.Иштрикова лӱмеш «Синяя птица» гимназий организоватлен.
Фестивальыш 20 команде (120 тунемше) ушнен. Тыге 5-7-ше класслаште тунемше-шамыч коклаште Йошкар-Оласе 23-шо номеран школын «ШИК23» командыже сеҥен. 8-9-ше класслаште тунемше-влак коклаште «Синяя птица» гимназийын «СВАГА» командыже чылам ончылтен. 11-ше номеран лицейын 10-11-ше класслаште тунемшышт коклаште «WWW» команде ойыртемалтын.
Ӱдыр-рвезе-шамычын палемдымышт почеш, тыгай модмаште участвоватлымаш – вес школысо тунемше-влак дене вашлияш, тӱрлӧ нерген кутыраш сай йӧн. Тыгак таҥасымаш кумылым шочыкта, вуйушым тарватылаш да уш-акылым пойдараш полша.