Йошкар-Олаште Марий калык конгресс исполкомын отчёт да сайлымаш конференцийже эртен.
Мер ушемын вуйлатышыже Эдуард Иманаев 2021 ийыште ыштыме пашам иктешлен, ревизионный комиссийын отчётшым колыштмо, 2022 ийлан планым каҥашыме.
Погынымаште выступатлышыжла Марий Эл правительстве вуйлатышын икымше алмаштышыже М. З. Васютин пашам сайын аклен да ончыкыжымат виян ончык каяш тыланен, икмыняр темлымашым ыштен.
Марий калык конгрессым эше кок ийлан вуйлаташ Э.Иманаевлан ӱшаненыт, исполком вуйлатышылан В.Матвеевым ойыреныт. Исполкомыш ныл еҥым ешарен сайленыт: Йошкар-Ола гыч М. Васютиным, Э. Петровам, Морко район гыч М.Семеновам, Кужэҥер гыч Н. Бурмановам.
Марий калык конгресслан тений мартыште 20 ий темеш.