Уэмдыме парк

28 октябрьыште Кужэҥер посёлкыш Марий Элым вуйлатыше А.Евстифеев миен коштын.
Районысо Рӱдӧ паркыште «Формирование современной городской среды» федеральный проект почеш ачалыме пашам шуктеныт: «Родина – ава» монументым, Кугу Отечественный сарыште кредалше-влакым шарнымаш стеллым тӧрленыт, канаш верым келыштареныт: электротулым шупшыныт, теҥгылым, урным шогалтеныт, плиткым оптеныт. Республикым вуйлатыше ты пашам кӱкшын аклен, но паркыште арулыкым кучымо нерген амалкалче-влак дене мутланаш темлен. Тыгак газификаций ден инфраструктурым вияҥдыме паша-влак умбакыжат шукталташ тӱҥалыт манын палемден.