«Марий Эл» ВГТРК ГТРК-ште кызытсе жаплан келшыше у студий пашам ышташ тӱҥалын.
Инновациян технологический проектым аклаш Марий Элым Вуйлатыше Ю.Зайцев миен коштын. Уэмдыме декораций, 25 светодиодный экран да кугу разрешениян кок кугу видеопырдыж. Чыла тидыже тачысе жапыште телевизонный контентым ышташ полша, ик кнопкым темдалме дене вершӧрым вашталташ лиеш да студий виртуальныйыш савырна.
Республикым вуйлатыше дене интервьюм мийымыж годым лачак у видеопырдыж воктене ыштыме. Мероприятий мучаште сай качестван видеоконтентым ыштыме паша умбакыжат сайын шукталтше манын, йӱла почеш керамике талиҥгам пудыртеныт.
Коллегына-влакым у студийышт дене саламлена!
Марий Элым Вуйлатышын пресс-службыжын фотожо.