25 октябрьыште Марий Эл Республикысе курчак театрыште самырык режиссёр Анжела Тихонован шындыме «Йӱксалче» («Песни небесной птицы») у спектакль ончыкталтеш.
Спектакль школышто тунемше ӱдыр-рвезе-влаклан да нунын деч кугурак-шамычлан келшен толеш. Тушто мут уке гаяк, марий муро ден молитва-влак йоҥгат.
Ты пашашке посна команде ушнен: сӱретче-постановщик С.Таныгин, костюм шотышто сӱретче С.Марчик, композитор Г.Архипов, самырык хореограф Ю.Белорусова.
А.Тихонова – актрисе, курчак театрыште 10 ий пашам ышта. 2022 ийыште тудо йоча-влаклан «Кто сказал «мяу»?» спектакльым шынден да «Театральный Йошкар-Ола» фестивальыште «Эксперимент» номинацийыште наградым налын.
Спектакльым 9 шагатат 55 минутлан да 11 шагатат 15 минутлан ончыктат.
