21-24 ноябрьыште «Авангард» рӱдерыште республикысе волонтёр-влаклан школ эртаралтын.
Ты мероприятий ссузлаште тунемше да волонтёр пашам вияҥдыше 135 самырык еҥым чумырен. Нунылан тӱвыргӧ программым келыштареныт: кажне кечын лекций, мастер-класс, тренинг лийыныт. Ӱдыр-рвезе-влак кузе мероприятийым эртараш да сай командым чумыраш пален налыт. Тыгак волонтёр-влак проектыштым аралаш тунемыныт, нуным илышыш шыҥдарыме шотышто эксперт-влак каҥашым пуэныт. Кугу Сеҥымашлан 80 ий теммылан пӧлеклалтше пашалан программыште посна верым ойырымо.
«Молодёжь в Марий» VK-се тӱшка гыч налме фото.