У платформо

Российыште «Благоустройство» программе почеш объект-влакым уэмдаш темлыме шотышто йӱкым пуаш платформым ыштеныт. Тидын нерген ТАСС-ыште эртарыме пресс-конференцийыште РФ-н чоҥымо министржын алмаштышыже Максим Егоров ойлен.

Йӱклаш манын, Госуслуги але вес соцсетьысе лаштыкыште регистрироватлалтман. Йӱклымашке 14 ияш деч кугурак-влак ушнен кертыт. Тыгодым кушто илымым шотыш налыт. Мутлан, Марий Элыште илыше ты кундемлан веле йӱкла.

2022 ийлан уэмдышаш але ачалышаш объект-влак верч 2021 ий 26 апрель гыч 30 май марте йӱклаш лиеш.