У институт почылтеш

Тений Марий кугыжаныш университетыште Цифран технологий институт у факультет почылтеш. Тудо цифровой экономике, инженерий, электроэнергетике, национальный лӱдыкшыдымылык, искусственный интеллект направлений дене кӱкшӧ квалификациян специалист-влакым ямдылаш тӱҥалеш. У институт университетын кум эн виян структурный подразделенийжым иктеш уша – физико-математический, электроэнергетический факультет-влакым да экономике, финанс ден управлений институтым.

Вашталтыш эн ондак тунемме программылаште, планлаште да туныктымаште лиеш. Студент-влаклан элнан кугу предприятийлаштыже, шанче рӱдерлаштыже стажировкым эрташышт йӧн почылтеш.

Кум факультетым иктеш ушымаш научно-исследовательский, тунемме да творческий пашам саемдаш полша.