У ийлан тамле да шере кочкышым

 

Эртыше кечылаште Марий Эл гыч специальный военный операцийыш мобилизоватлыме-влаклан черетан гуманитарный полышым колтымо.

Поро пашам шуктышо фонд, предприятий-влак салтак-шамычлан инструментым, тӱрлӧ ӱзгарым, шокшо вургемым, гигиене арверым погеныт. Тылеч посна У ий вашеш нунылан шере да йоча-влакын возымо серышыштым колтеныт.

Марий Элым Вуйлатыше Ю.Зайцевын палемдымыж почеш, гуманитарный грузым погымо годым эн ончыч эн кӱлешан арверлан тӱткышым ойырат. Ты гана тудым У ий шӱлышаным погымо, тидыже куандара. Салтак-влакын чонышкышт кеч изиш да пайрем кумылым пурташ тыршыме.