Пӧртым але У ий кожым сылнын сӧрастараш шонеда гын, модышым шке ыштен ончыза.
Кӱлыт: пуалтарыме шар, шӱртӧ (хлопокан), ПВА клей, вӱд, сакырложаш, вашкӱзӧ, полимерный клей, аэрозоль чия, сӧрастарыш (декор).
Кожыш сакаш лийше тӱрлӧ кугытан шарым овартыза. Вара 50 мл ПВА клейым 2 кугу совла вӱд да 2 изи совла сакырложаш дене лугыза. Ты вартышыш шӱртым чыкен лукса да кузе моштеда, туге шарышке пӱтырыза. Икмыняр шагатлан кошкаш кодыза. Варажым шарым эркын шӱтыза да шӱртӧ кокла гыч кодшыжым лукса. Мотор шарым ший, паетке да моло сылнештарыме арвер дене сӧрастарыза.