«РЖД» (Российысе кӱртньыгорно) кугыжаныш компанийын организоватлыме акций почеш «Йӱштӧ Кугызан поездше» Йошкар-Олашке 5 декабрьыште толеш.
Тудо рӱдоласе кӱртньыгорно вокзалыште 8 шагат 10 минут гыч 10 шагатат 50 минутышто лиеш. Ты жапыште йоча ден кугыеҥ-влаклан Йӱштӧ Кочай дене пырля модмо да веселитлыме программе темлалтеш.
Поезд 85 кече жапыште 33 тӱжем утла километрым эрта да 130 станцийыште чарна. Горькийысе кӱртньыгорнышко йомак поезд 3 декабрьыште логалеш. Ты кечын Нижний Новгородышто лиеш, варажым Чебоксарыште чарна да Йошкар-Олашке толеш.