Марий Эл Республикысе Кугыжаныш Погын кундемысе Молодёжный парламентын кудымшо созывышкыже кандидат-влакым ойырымо конкурсым увертарен.
Молодёжный парламентыш Марий Элыште илыше 14-35 ияш РФ гражданин ушнен кертеш.
У состав 40 еҥан лиеш: муниципальный молодёжный парламент-влакын 17 еҥышт, политический партий-шамычын регионысо отделенийжын 13 еҥже да 10 еҥ – НКО-влак коклаште эртаралтше конкурсышто сеҥыше да самовыдвиженец-шамыч.
Кандидат-влакым 11 февраль гыч 11 март марте ойырат, конкурс тений 25 апрельыште лиеш. Молодёжный парламентыш тыят ушно, кундемыштына самырык-влакын илышыштым саемдымашке надырым пыште.
Лекше йодышым 8(8362) 45-30-93 номеран телефон дене йыҥгыртен рашемдаш лиеш.
«Молодёжный парламент Республики Марий Эл» ВК-се тӱшка гыч налме фото.