Туткар «ок мале»

У ий каныш жапыште чрезвычайный ситуаций-влак лийын огытыл. Тидын нерген А.Евстифеевлан Марий Эл Правительстве председательын алмаштышыже С.Воронцов увертарен.

Туге гынат тиде жапыште ЖКХ аланыште индеш туткар лийын. Эн кугужо – Козьмодемьянск олаште. Тушто илыше еҥ-влак йӱштӧ вӱд деч посна кодыныт. Аварийный ситуацийым кок шагат жапыште тӧрлатен шуктеныт. Тыгак 25 пожар лийын, иктыштыже еҥ колен.