23 июльышто Александр Евстифеев Россий Федерацийыште туризмым вияҥдыме шотышто правительстве коммиссийын заседанийыштыже лийын. Тушто Россий субъектлаште туризмым вияҥдыме нерген мутланеныт.
Марий Элыште туризм вияҥеш, мемнан деке толшо-влак шукемыт, тидыже Козьмодемьянскыш туризм теплоход-влакын чӱчкыдын шогалмыштлан кӧра. Поснак сай лектыш Морко районышто шижалтеш. Тыште «дорожная карта» маршрутым ыштыме. Турист-влак Юрино посёлко гыч Сумки ялыш паромым колтымо денат шукемшаш улыт.