Тунемшылан – марий книга

8 июльышто Марий Эл Республикым Вуйлатышын пашажым жаплан шуктышо Ю.Зайцев Башкортостан Республикысе марий землячествын еҥышт дене вашлийын. Вашлиймаш Мишкан селасе Марий историй да тӱвыра рӱдерыште эртаралтын.

Тушко мер да тӱвыра пашаеҥ, марий йылмым туныктышо, усталык коллектив-влакым вуйлатыше, национальный СМИ-н представительже-шамыч толыныт. Марий-влакым тургыжландарыше йодыш-шамычым каҥашеныт. Ик эн тӱҥ йодыш ­– школлаште шочмо йылмым тунемаш марий учебник ок сите. Ю.Зайцевын ойлымыж почеш, тидын шотышто паша ышталтеш, кызыт тунемме пособий-влак переченьым ямдылат.

Интернет гыч налме фото.