Тул ылыжын

17 июньышто Йошкар-Оласе Соловьёв уремыште верланыше ик малярный цехыште тул ылыжын. Тулым йӧртымеке, чот шарлыше шикшым пытараш манын, «дымоудалений» машинам ӱжыкташ логалын.
Туткарын амалже: лӱдыкшыдымылык правилым пудыртымаш. Шукерте огыл цехыште пашам ышташ чареныт улмаш. Оралтым олмыктымо годым пырдыжым чиялтеныт, тыгодымак газосварочный пашам шуктеныт. Тулойып шыжалтмылан кӧра пожар тӱҥалын.

Марий Эл Республикысе МЧС управленийын фотожо.