Финн-угор калык-влакын визуальный сымыктыш «Туйвеж» (Корнывож) VII тӱнямбалысе фестивальышт сентябрьыште лиеш.
Конкурсант-влак документальный, анимациян, модышан фильм-влакым, социальный ролик, клип, фотопаша-шамычым колтеныт. Конкурсыш ныл эл гыч, Российын 25 регионжо гыч ушненыт. Тымарте тынар участник эше лийын огыл.
Тенийысе «Туйвеж» фестиваль Коми Республиклан 100 ий теммылан пӧлеклалтын, тидлан кӧра регионын историйже да йӱлаж дене палдарыше паша-влакын авторыштым поснак ойырат.