Той медаль дене палемдалтыныт

28-31 октябрьыште Москошто «Inclusive Dance» тӱнямбалысе Х поро кумылым ончыктышо куштымаш фестиваль эртаралтын.

Тудо Утарыше Христос лӱмеш храмыште сценыште тӱрлӧ кундем гыч куштышо коллектив-влакым лу ий чумыра. Тений Российын 75 регионжо да тӱнямбалысе 35 вес эл гыч 654 коллектив миен.

Марий Эл гыч «Дебют» бальный куштымаш дене образцовый ансамбль дене пырля ямдылыме «Жизнь в танцах» социально-инклюзивный проектын участникышт, коллектив вуйлатыше Анна Соколова д Российысе инвалид-влак ушемын Марий Элысе пӧлкажым вуйлатышыже Наталья Богомолова миеныт.

Команде кокымшо ий тиде мероприятийыш ушна. Ты гана нуно той медаль дене палемдалтыныт.

Анна СОКОЛОВАН альбомжо гыч налме фото.