Э.Сапаев лӱмеш опер да балет марий кугыжаныш академический театрыште Общественный инициативылан полшышо движенийын форумжо эртаралтын.
Тушко республикым вуйлатыше А.А.Евстифеев ушнен. Тений кеҥежым ты движенийым Марий Эл Кугыжаныш Погынын депутатше В.Кожанов вуйлаташ тӱҥалын. Кум тылзе жапыште республикысе чыла районысо эн кӱлешан йодыш-влакым тарватыме да нуным рашемдаш республик бюджет гыч 122 млн теҥгем ойырымо.
Килемар район Церкысола селаште кӱварым олмыктымо, Визимьяр кыдалаш школ ончылно асфальтым шарыме. Оршанке район Кугу Ӧрша ялыште корным шарыме, Изи Пуялыште дамбым ачалыме. Республикын социально-экономический вияҥмаш шотышто индивидуальный программыш форумын участникше-влак шкештат темлымаш-влакым пуртен кертыт, палемден А.А.Евстифеев.