1960 ий 10 августышто Йошкар-Олаште телерӱдерым пашаш колтымо. Республикыште илыше-шамыч телевизор дене передачым икымше гана онченыт.
Тачысе кечылан республикысе телерӱдер кызытсе илышлан келыштаралтше у цифровой технологийлан эҥертен пашам ышта. Кундемыштына илыше 99 процент еҥ, оксам тӱлыде, у цифровой качестван 20 канал дене пайдалана. Тыгак «Радио России», «Маяк», «Вести FM» радиостанцийыште кундемысе да элысе увер-шамычым колыштеш.