Тазалыклан D витамин кӱлеш

Такшым кум витамин гына уло – А, В, С. У веществам D манын лӱмденыт. Тиде гормон. Организмыште тудо огеш сите гын, кылмен черланыме деч онкологий марте чер вияҥын кертеш. ХХ курым тӱҥалтыште биохимик Элмер Макколум у веществам пален налын. Тудо рашемден: пий-влаклан кол ӱйым пукшаш гын, рахит огеш лий.

D витаминлан кӧра организмыште фосфор, кальций, магний сайын шула. Тыгак иммунитетлан, лум пеҥгыдемдаш да вӱргорнын пашажым саемдаш, сакыр диабет ден рак черым чактараш полша.