12-18 декабрь – паша верлаште тазалыкым пеҥгыдемдыше эн сай практикым шаркалыме арня.
Тазалыкым аралыме тӱнямбал организаций паша верым XXI курымышто тазалыкым пеҥгыдемдаш полшышо ик эн сай верлан шотла.
Вуйуш дене пашам ыштыше еҥын психологический да эмоциональный системыжлан кугу нагрузко логалеш. Тидыже рӱдӧ нерве да шӱм-вӱргорно системе-влаклан эҥгекым конден кертеш. Тыге айдеме вашке ноя да пашам начар ышташ тӱҥалеш.
Кочкышлан кугу тӱткышым ойырыман. Пашаште шинча ноя гын, кочкыш А витамин да Р-каротинлан (шӧр, сыр, кол коя, муноптем, кешыр, шере пурыс, пурса, облепихе ден шуанвондо саска, абрикос, хурма, мокш) поян лийшаш.
Вуйдорык сайын пашам ыштыже манын, В2, С, РР витамин-влак поснак кӱлыт.
Пашаште шагал тарванылше еҥлан утыждене шинчалан кочкышым кочман огыл (шинчал организмыште вӱдым куча) але организм гыч шинчалым лукташ полшышо кочкышым ойырен налман (пареҥге, салат, кавун, кабачок, йошкарушмен, изюм, курага). Вуйуш дене пашам ыштыше еҥлан кечыште 4-5 гана кочман. Утларак калориян кочкыш кечывал деч ончыч лийшаш.
Интернет гыч налме фото.